Қазақстан құрамасы ММА бойынша Суперкубогында үшінші орынға таласады
8-12 наурыз аралығында Бахрейн астанасы Манамада әлемнің ең мықты 8 командасы қатысатын MMA бойынша Суперкубогы өтеді. 7 ерлер мен 2 әйелдер салмақ дәрежесінде өтеді. Жекпе-жек командалардың бірінің бес жеңісіне дейін созылады, деп хабарлайды OkSemey.kz.
Жартылай финалда Қазақстан құрамасы IMMAF әлемдік рейтингінің көшбасшысы және турнирді ұйымдастырушы Бахрейн құрамасымен кездесті.
Әйелдер арасында 56,7 келіге дейінгі салмақта қазақстандық Аян Тұрсын үшін өткен жекпе-жегі сәтсіз аяқталды. Бахрейндік спортшы Айза Рамоз Бертозоның қолға ауырту әдісіне түсіп, Тұрсын командасы үшін алғашқы жеңіліске ұшырады.
Екінші белдесуде 61,2 келіге дейінгі салмақта Антонина Котляревская да әйелдер арасындағы ең мықты IMMAF спортшысы Сабрина Лаурентия де Соузаға қолына ауырту әдісімен жеңіліп қалды.
Жәнібек Тыныштықтың қарсыласы (61,2 келіге дейін) Абдулла Мүбарак жекпе-жекке келмей, қазақстандыққа техникалық жеңіс берілді.
Төртінші жекпе-жек 65,8 келіге дейінгі салмақ дәрежесінде өтті. Анатолий Золотых Бахрейндік қарсыласы Хаджи Мұхаммед Әлиді үшбұрышты қылындыру әдісімен жеңді.
Неймат Асадовтың (70,3 келіге дейін) әлем чемпионы Курбан Идрисовке қарсы жекпе-жегі үш раундқа созылып, жекпе-жектің қорытындысы бойынша Неймат Асадов төрешілердің бөлек шешіммен жеңіске жетті. Айта кетейік, Асадов жуырда Абу-Дабиде өткен ММА бойынша әлем чемпионатында жеңіліп қалған қарсыласынан кек қайтарған болатын.
83,9 келіге дейінгі салмақта Жақсыбек Аймахан IMMAF әлемдік рейтингінің салмаққа қарамастан (pound-for-pound) бірінші нөмірі Рамазан Гитиновпен кездесті. Аймахан бірінші раундта әйгілі қарсыласына лайықты қарсылық көрсеткенімен, екінші раундта қылқындыру әдісіне ұсталып жеңіліске ұшырады.
Жартылай финалдық кездесудің соңғы белдесуі қазақстандық Алик Домнич пен Бахрейн атынан шыққан жауынгер Гаджи Гаджиев арасында өтті. Үш раундқа созылған табанды тартыстың қорытындысы бойынша төрешілердің пікірі екіге жарылды. Бір төреші жеңісті қазақстандыққа берсе, қалған екеуі бахрейндік спортшыға басымдық берді.
Осылайша кездесу 5-3 есебімен Бахрейн құрамасының пайдасына аяқталды. Енді Қазақстан құрамасы 3-орынға таласады. Қазақстандықтардың қарсыласы Мексика спортшылары болады.
Еске салайық, турнир жеңімпазы 100 000 доллар алады. Екінші орын – 75 мың доллар, үшінші орын – 50 мың доллар.
OkSemey.kz
