Үржар ауданында волейболдан Ғабиден Құлахметті еске алу турнирі өтті
Кеше, 16 сәуірде Үржар ауданы Шолпан ауылындағы Жүзағаш орта мектебінде дарынды ақын, көрнекті жазушы, қоғам қайраткері, Халықаралық "Алаш"сыйлығының лауреаты Ғабиден Құлахметтің 67 жасқа толу құрметіне арналған волейболдан ерлер командалары арасында чемпионат өтті, деп хабарлайды OkSemey.kz.
Спорттық шараның ашылу салтанатына Үржар ауданының әкімі Нұржан Тоқсейтов және Ғ.Құлахмет баласы Ғазиз Құлахметов және құрметті қонақ ретінде сатирик жазушы,»Қазақ әдебиеті» газеті бас редакторының орынбасары Қанағат Әбілқайыр, археолог Ерден Оралбай қатысты.
Жарысқа 12 команда (Мақаншы, Таскескен, Үржар, Науалы, Жоғарғы Егінсу, Қарақол, Аягөз, Қызылащы (Үшарал), Шолпан-1, Шолпан-2, Шолпан жастары, Жүзағаш) қатысып, 4 топта күш сынасты.
Тартысты бәсекеде жүлделі үшінші орынды Жоғарғы Егінсу (1 май) командасы иеленсе, ІІ орынды – Үшарал командасы, І орынды – Шолпан-1 командасы жеңіп алды.
Барлық қатысушылар ақын балаларының демеушілігімен марапатталды.
Semeynews.kz
