Волейболдан Азия Чемпионаты: Шығысқазақстандық «Алтай» клубы екінші жеңіске қол жеткізді
Шығыс Қазақстанның "Алтай" волейбол клубы әйелдер арасындағы клубтық Азия-2022 чемпионатында екінші жеңіске қол жеткізді, деп хабарлайды OkSemey.kz.
Семейде волейболдан әйелдер арасындағы клубтық Азия-2022 Чемпионаты жалғасуда. Жарыстың екінші күнінде Шығыс Қазақстанның «Алтай» клубы 3:0 есебімен қырғызстандық «Kyrgyzstan VC» командасын ойсыраты жеңді. Бірінші таймда «Алтай» 25:9 есебімен, екінші таймда 25:5 есебімен, үшінші таймда 25:13 есебімен жеңді.
Осылайша, жарыстың екінші күнінде «Алтай» командасы турнирлік кестеде көш бастады. Екінші орынға ирандық «Barij Essence» командасы орналасса, үштікке Солтүстік Қазақстанның «Қуаныш» командасы жайғасты.
OkSemey.kz
