Өскеменде көпқабатты тұрғын үйдің кіреберісінің қабырғасы құлады

Облыс орталығында көпқабатты тұрғын үйлердің бірінің кіреберісінің кірпіштен тұрғызылған қабырғасы құлады, деп хабарлайды Abai Aqparat.kz.

Өскемен қ. ТЖБ баспасөз қызметінің хабарлауынша, облыс орталығында Гагарин Бульвары көшесінде орналасқан көпқабатты тұрғын үйдің кіреберісінің кірпіштен тұрғызылған қабырғасы құлады.

Зардап шеккендер жоқ, тек кіреберіске жақын маңда тұрған көлікке материалдық шығын келтірілді.

Оқиға орнында төтенше жағдайлар қызметкерлері жұмыс жүргізуде.

Abai Aqparat.kz