Абай облысы: құтқарушылар ЖКО-да көлікте қыстырылып қалған әйелге көмектесті

Абай облысында құтқарушылар жол-көлік оқиғасы салдарынан көлікке қыстырылып қалған әйелге көмектесті, — деп хабарлайды Abai Aqparat.kz.

ШҚО ТЖД баспасөз қызметінің хабарлауынша, Абай облысының Бесқарағай ауданында Омск-Майқапшағай тас жолында ВАз-21099 және Ауди 80 көліктері соқтығысты. Жол-көлік оқиғасы салдарынан ВАЗ көлігінің жолаушысы салонда қыстырылып қалды. Оқиға орнына келіп жеткен құтқарушылар арнайы құрал-саймандардың көмегімен көлікте қыстырылып қалған 1980 жылғы әйел адамды алып шығып, жедел-жәрдем қызметіне тапсырды.

Abai Aqparat.kz