ШҚО-да бесқабатты тұрғын үйде болған өрттен 10 адам құтқарылды

Облыс орталығында бесқабатты тұрғын үйде болған өрттен 10 адам құтқарылды, олардың төртеуі бала, — деп хабарлайды Abai Aqparat.kz. 

ШҚО ТЖД баспасөз қызметінің хабарлауынша, ағымдағы жылдың 11 шілдесінде Өскемен қаласында, Тимирязев көшесінде бес қабатты үйдің 3-қабатында орналасқан пәтерде өрт болды.

«Оқиға орнына жеткен өрт сөндіру қызметінің қызметкерлері тұрғындарды эвакуациялауға кірісті. Жоғарғы қабаттардан адамдар автокөтергіштің көмегімен эвакуацияланды. Барлығы 10 адам құтқарылды, оның ішінде 4 бала. Өрт жалпы ауданы 35 шаршы метр», — делінген баспасөз ақпаратында.

Қаза болғандар мен зардап шеккендер жоқ.

Өрттің шығу себебі анықталуда.

Abai Aqparat.kz