Абай облысында тоғыз балабақша салынады

2026 жылға дейін Абай облысында мемлекеттік-жеке меншік әріптестік аясында 2100 орынға арналған 9 балабақша ашылады. Бұл туралы Абай облысының өңірлік коммуникациялар қызметінде өткен баспасөз-конференциясында Абай облысының білім басқармасының басшысы Нұржан Ахметқалиев мәлімдеді, — деп хабарлайды Abai Aqparat.kz.

Сонымен қатар, «Жайлы мектеп» пилоттық ұлттық жобасы аясында 5 700 орынға арналған 11 жаңа мектеп салу жоспарлануда.

«2023 жылы Семейде 3000 орынға арналған 5 мектеп, Водный кентінде 600 орындық, Аягөзде 600 орындық, Ақсуат ауылында 300 орындық, Бесқарағай ауылында 300 орындық мектептердің құрылыс басталады. 2024 жылы — Семейде 2700 орындық 6 мектеп, Ақсайда 600 орындық, Қарағайлыда 900 орындық, Жарма ауданы Қалбатау ауылында 300 орындық, Ақтоғайда (Аягөз ауданы) 300 орындық, Ақсуат ауданы Екпін ауылында 300 орындық мектеп салу жоспарлануда», — деді Нұржан Ахметқалиев.

Қазіргі уақытта жобаларды іске асыру үшін бастапқы-рұқсат беру құжаттары бойынша жинақтау жүргізілуде.

Абай облысының әлеуметтік-экономикалық дамуының 2023-2027 жылдарға арналған кешенді жоспары шеңберінде білім беру саласы бойынша 64,3 млрд. теңгеге 16 іс-шара жоспарланған.

Олардың ішінде:

1. Семей қаласында көпфункционалды орталық салу (оқушылар сарайы);
2. Ақсуат ауданындағы Ақсуат ауылында оқушыларға арналған шығармашылық үй салу;
3. 510 орындық 6 шағын жинақты мектеп салу және 2100 орындық жұмыс істеп тұрған 6 мектепке қосымша жапсаржай (2 — Семей қаласында, 4 — Аягөз ауданында), Семей қаласында 600 орындық интернаты бар 1 мамандандырылған мектеп салу;
4. 200 орындық интернат салу — Абай атындағы мамандандырылған мектеп-гимназия интернаты;
5. Білім беру объектілеріне қазандық және жылу желілерін салу, реконструкциялау – 3 жоба (Бөдене ауылы, Қапанбұлақ ауылы, Педколледж);
6. 4 балалар лагерін салу және реконструкциялау (Абай ауданында 40 орындық лагерь салу. Ақсуат ауданында 100 орындық лагерь салу. Көкпекті ауданында 60 орындық лагерь салу, Бородулиха ауданындағы 80 орындық «Кристалл» лагерін реконструкциялау);
7. 2 100 орындық 9 балабақша салу;
8. 6 орта мектепке арналған спорт залдарын салу (Жарма ауданы-Аршалы ауылы, Қарасу ауылы, Салқынтөбе ауылы, Қызылағаш ауылы, Семей қаласы — Талица ауылы, Үржар ауылы — Қазымбет ауылы);
9. Ш. Уәлиханов атындағы «Жас Ұлан» мамандандырылған ерлер мектеп-лицей-интернаты » КММ «Әскери-спорт кешені» ғимаратының құрылысы;
10. Семей қаласындағы М. Төлебаева атындағы музыкалық училище ғимаратына акт залының қосымша құрылысын салу;
11. Мектептерді жаңғырту (жыл сайын 50 мектеп);
12. «М. Әуезов атындағы Педагогикалық колледж» КМҚК аумағында 300 орындық концерт залын салу;
13. Білім беру объектілерін күрделі жөндеу (57 жоба);
14. Жалпы білім беретін мектептер жанындағы интернаттарды жарақтандыру (11 жоба);
15. Көкпекті ауданының «Әуезов атындағы орта мектебі» КММ-де интернат ғимаратын шағын орталық ретінде қайта жаңарту;
16. Көкпекті ауданы Преображенка ауылында 300 орындық мектеп салу.

Abai Aqparat.kz