Семей әскерилерімен әйгілі МиГ-17 жойғыш ұшағы ескерткіші қалпына келтірілуде
Семейдегі авиация базасының әскерилері МиГ-17 жойғыш ұшағы ескерткішіне қайта қалпына келтіру жұмыстарын жүргізеді, деп хабарлайды Abai Aqparat.kz Abaynews.kz видеопорталына сілтеме жасап.
Қала тұрғындарының сүйікті ескерткіштерінің бірі – аспанға самғап бара жатқан ұшақтың ескерткіші. Ескерткіш облыс орталығында 1988 жылы орнатылды. Айтып өтейік, қала тарихы әскери авиация тарихымен тығыз байланысты. 1960 жылдың 22 мамырында қарулануында МиГ-17 жойғыш ұшағы бар авиация полкі «Жаңасемей» аэродромына көшірілді. Кеңес дәуірінде сол уақытта жауынгерлік жолы бар, көптеген әуе шеберлерін дайындаған бірнеше авиация полкі болды. Қазіргі уақытта ұшқыштардың ұрпақтары олардың даңқты дәстүрлерін жалғастыруда. Ұшқыштар құрамында ұшақтарға ескерткіш қою дәстүрі бар, ол ұшқыш құрамның ерлігі мен батылдығына деген құрметтің бір түрі.
Әскери бөлім қызмет еткен уақыттан бастап ұшқыш және инженер-техникалық құраммен, И-16 ұшағынан ЕС-145 «Еврокоптер» тікұшағына дейін 18-ге жуық ұшу аппараттары игерілді. Ескерткішті қалпына келтірудің бастамашылары – аға ұрпақтың дәстүрін жалғастырып келе жатқан қазіргі авиаторлар.
«Биылғы жылы Қазақстан Қарулы Күштерінің құрылғанына 30 жыл. Қазақстандық армияның имиджін көтеру, сонымен қатар өсіп келе жатқан ұрпақты тәрбиелеу мақсатында, біз, әскери ұшқыштар әйгілі МиГ-17 жойғыш ұшағы ескерткішін қайта қалпына келтіруді шештік. Осылайша Семей тұрғындарына біз, барлық ұрпақты байланыстыратын тарихты есте сақтайтынымызды және құрметтейтінімізді білдіргіміз келеді», — деді Abaynews.kz тілшісіне авиация базасы командирінің орынбасары подполковник Руслан Юмашев.
Айтып өтейік, тұғырдың бетон құрылымының бүлінген учаскелерін қалпына келтіру жоспарланған. Жауынгерлік ұшақ баялады, фюзеляж және барлық элементтері жөнделеді. Осындай ескерткіштер авиация полктері орналасқан Қазақстанның көптеген қалалдарында орнатылған. Семей тұрғындары, қала қонақтары жауынгерлік ұшақ жанында суретке түскенді ұнатады, ал кішкентай балалар ұшаққа көтерілгісі келеді.
Abai Aqparat.kz
вап
