Жаңа Абай облысының әкімі жұмысын неден бастайтынын айтты

Жаңа Абай облысының әкімі Нұрлан Ұранхаев қызметте немен айналысатынын айтты, — деп хабарлайды Abai Aqparat.kz Tengrinews.kz сайтына сілтеме жасап.

«Бірінші кезекте, экономиканы көтеру керек шығар. Әрине, адамдардың өмірін жақсарту — басты мәселе, бұл біздің жаңа құрылған облыста ғана емес деп ойлаймын. Біздің экономикаға инвестиция тарту. Ауыл шаруашылығы сияқты дәстүрлі ісімізді дамыту. Бұрынғы Семей облысы аграрлық болды, мал шаруашылығымен, атап айтқанда қой шаруашылығымен айналысты. Осының бәрі, жаңа ештеңе ойлап таппаймыз. Тек жақсы пысықталған ескіні қайтаруға тырысамыз», — деді Ұранхаев үкімет кулуарында журналистердің сұрағына жауапта.

Сондай-ақ, одан Шығыс Қазақстан облысының әкімі Даниал Ахметовпен өзара қарым-қатынасы қандай екені сұралды.

«Біріншіден, кез келген жағдайда барлығымен адал бәсекелестік болады. Екіншіден, біз бұл мәселелерді талқыладық. Келесі аптада ШҚО-ға Даниал Ахметовпен кездесуге барамын», — деп жауап берді ол.

16 наурызда Қасым-Жомарт Тоқаев Қазақстан халқына Жолдауында орталығы Семей қаласы болатын Абай облысын құруды ұсынды.

Нұрлан Ұранхаев 11 маусымда жаңа аймақтың әкімі болып тағайындалды. Еске салайық, Абай облысына Ақсуат, Абай, Аягөз, Бесқарағай, Бородулиха, Жарма, Көкпекті және Үржар, Семей және Курчатов қалалары мен аудандары кірді.

Abai Aqparat.kz