Абай облысында 17 басқарма құрылды

Семейде Абай облыстық мәслихатының кезектен тыс екінші сессиясы өтті, — деп хабарлайды Abai Aqparat.kz.

Күн тәртібінде халық қалаулылары «Абай облысын басқару схемасын бекіту туралы», «Абай облысы әкімдігінің дербес құрамын келісу туралы», «Абай облысы сайлау комиссиясының мүшелерін сайлау туралы», «Әр түрлі» төрт мәселені қарады.

Облыс әкімі аппаратының басшысы Жасұлан Сәрсебаев қатысушыларға Абай облысын басқару схемасын таныстырды. Облыс әкімінің аппаратын және қалалар мен аудандар әкімдерінің аппараттарын құру туралы шешім бірауыздан қабылданды.

Облыста 17 басқарма жұмыс істейтін болады: қаржы басқармасы, экономика және бюджеттік жоспарлау басқармасы, кәсіпкерлік және индустриялық-инновациялық даму басқармасы, білім басқармасы, мәдениет, тілдерді дамыту және мұрағат ісі басқармасы, дене шынықтыру және спорт басқармасы, жолаушылар көлігі және автомобиль жолдары басқармасы, жұмыспен қамтуды үйлестіру және әлеуметтік бағдарламалар басқармасы, энергетика және тұрғын үй-коммуналдық шаруашылық басқармасы.- коммуналдық шаруашылық, ауыл шаруашылығы және жер қатынастары басқармасы, денсаулық сақтау басқармасы, қоғамдық даму басқармасы, құрылыс, сәулет және қала құрылысы басқармасы, бақылау басқармасы (МСҚБ, еңбек инспекциясы), табиғи ресурстар және табиғат пайдалануды реттеу басқармасы, мемлекеттік сатып алу басқармасы, ветеринария басқармасы.

Abai Aqparat.kz